«Ծառայություն» նախագծի մեկնարկը

Հայտնի իրադարձությունների հետևանքով Արցախը դարձավ մի վայր, որտեղ մեծ քանակությամբ ընտանի կենդանիներ հայտնվեցին փողոցում՝ առանց հսկողության, ուտելիքի և տանիքի: Սա պատմություն է նրանց մասին, ովքեր, չնայած ամեն ինչին, մնում են մարդիկ, որոնց համար յուրաքանչյուր կյանք արժեքավոր է։

Ստեփանակերտից լուսանկարիչ Նարինե Կարապետյանի լուսանկարների ցուցահանդեսով 301 Land Of Wisdom-ը բացում է պաշարված Արցախին նվիրված միջոցառումների շարքը։ Ինչպես հեղինակն է ասում, «Սա պատմություն է բարության, հույսի և անմնացորդ սիրո մասին, որը շատ բացակայում է մեր բուռն ժամանակներում»։

Նախագծի մտահղացումը ծագել է 2020 թվականին՝ պատերազմի ընթացքում, երբ Արցախը 44 օր անընդմեջ ենթարկվում էր գնդակոծության և մարդիկ ստիպված էին բաժանվել իրենց սիրելի ընտանի կենդանիներից. նրանցից շատերը լքեցին իրենց տները՝ չունենալով իրենց հետ կենդանիներին վերցնելու հնարավորություն, իսկ ոմանք ընկան պատերազմում:

Վարող՝ Գայանե Մանուկյան, լրագրող: Բանախոսներ՝ Գոռ Նահապետյան, «ՎԻՎԱ . ԲԺԻՇԿՆԵՐԸ ԵՎ ԿԱՄԱՎՈՐՆԵՐԸ՝ ՀԱՅԱՍՏԱՆԻՆ» ՀԻՄՆԱԴՐԱՄ" բարեգործական կազմակերպություն հոգաբարձու, Տատյանա Հովհաննիսյան, «ՎԻՎԱ . ԲԺԻՇԿՆԵՐԸ ԵՎ ԿԱՄԱՎՈՐՆԵՐԸ՝ ՀԱՅԱՍՏԱՆԻՆ» ՀԻՄՆԱԴՐԱՄ" բարեգործական կազմակերպություն ղեկավար, Oվսաննա Հովսեփյան, «Դինգո թիմը» բարեգործական կամավորական կազմակերպություն ղեկավարը

Միջոցառումը տեղի կունենա հուլիսի 17-ին Seasons Park-ում (շատրվանների տարածք) ժամը 19։00-ին, միջոցառման լեզուն՝ հայերեն և ռուսերեն։