Եվրոպական ֆիլմերի փառատոն՝ Եվրոպայի օրվա շրջանակում

Ինչպես նախորդ տարիներին, 2023 թվականին ևս Եվրոպայի օրը Հայաստանում խոստանում է լինել հետաքրքիր և հիշարժան՝ հագեցած ընդգրկուն միջոցառումներով։ Երևանում գլխավոր միջոցառումը՝ եվրոպական ֆիլմերի փառատոնն է, որի մուտքն անվճար է և բաց հանրության համար, իսկ ֆիլմերը ցուցադրվելու են անգլերեն և հայերեն ենթագրերով։ Ներկայացնում ենք փառատոնի ծրագիրը։ 

Մայիսի 17

Սլովակիա - «Անգամ մկները  դրախտում տեղ ունեն», ռեժ.`  Յան Բուբենիչեկ, Դենիսա, Գրիմովա - 12։00

Գերմանիա - «Կրակում», ռեժ. Դաֆնի Կարիզանի - 19։00

Մայիսի 18

Իտալիա - «Իո Ստո Բենե», ռեժ. ` Դոնատո Ռոտուննո - 19։00

Բուլղարիա - ««Ժիգուլի» խմբի մասին մերկ ճշմարտությունը», ռեժ.` Վիկտոր Բոյինով - 20։00

Մայիսի 19

Ռումինիա - «Միկադո», ռեժ.` Էմանուել Պարվու - 19։00

Հայկական կարճամետրաժ ֆիլմերի գալա-ցուցադրություն - 19։00

Մայիսի 20

Իսպանիա - «Ռամոնա», ռեժ.`  Անդրեա Բանեյ - 17։00

Հունաստան - «Դոդո», ռեժ. Փանոս Հ. Կուտրաս - 20։00

Մայիսի 21

Լիտվա - «Վազորդը», ռեժ. ` Անդրիուս Բլազեվիցիուս - 17։00

Լեհաստան - «Ձյուն այլևս չի գա», ռեժ. ` Մալգոժատա Շումովսկա և Միխալ Էնգլերտ - 20։00

Մայիսի 22

Չեխիայի Հանրապետություն - «Ստվերների երկիրը», ռեժ. ` Բոհդան Սլամա - 19։00

Ֆրանսիա - «Տրիումֆ», ռեժ. ` Էմմանուել Կուղսոլ - 20։00

Մայիսի 23

Նիդերլանդներ - «Միտրա», ռեժ.` Կավեհ Մոդիրի - 20։00

---

Եվրոպայի օրը կնշվի նաև մարզերում։ Երիտասարդ եվրոպական դեսպանները կանցկացնեն միջոցառումներ մարզերում՝ համայնքային կյանքին վերաբերող թեմաներով: Նախատեսվող զանազան միջոցառումները կառուցված են «Հմտությունների տարի» միջազգային թեմայի շուրջ: Նախատեսվող միջոցառումների ժամանակացույցը՝ վայրը և ժամերը, ինչպես նաև այլ մանրամասներ կարող եք գտնել՝ այցելելով մեր միջոցառման էջը։

Սյունիքում միջոցառումները կանցկացվեն «ԴիմակայունՍյունիք» (#ResilientSyunik) խորագրի ներքո՝ Կապանում և Գորիսում՝ այս տարվա սկզբին մեկնարկած՝ «Թիմ Եվրոպա նախաձեռնությունն» իրականացնող թիմի մասնակցությամբ։ Մայիսի 18-ին, ժամը 15:30-ին Կապանում կանցկացվի մարզում «Թիմ Եվրոպա նախաձեռնության» շրջանակներում իրականացվող ծրագրերի մասնակցությամբ բացօթյա տոնավաճառ․ կներկայացվեն այդ ծրագրերի արդյունքները և դրանց ազդեցությունը սյունեցիների կյանքի վրա: Տոնավաճառի շրջանակում նախատեսված են Եվրոպայի օրվա մասին հանրային իրազեկմանը նվիրված տեղական ժամանցային ծրագրեր և մրցույթներ:

Հաջորդ օրը՝ մայիսի 19-ին Գորիսում տեղի կունենան թեմատիկ քննարկումներ։ Առաջին քննարկման թիրախը մարզի սոցիալական ոլորտի աշխատողներն են, իսկ երկրորդը՝ երիտասարդները։ Միջոցառումների մասին մանրամասները և թարմացումները կարող եք գտնել այցելելով մեր միջոցառման էջը։

Միջոցառման պաշտոնական ՖԲ-էջը։