Հասցնել դիտել «Դատապարտող փորագրանկարը»
Գերմանացի հանրաճանաչ գեղանկարիչ և փորագրանկարիչ Օտտո Դիքսի «Դատապարտող փորագրանկար» 1920-1924 լայնածավալ ցուցահանդեսը Հենրիկ Իգիթյանի անվան Գեղագիտության ազգային կենտրոնում կտևի մինչև մայիսի 28-ը։
25.05.2023Գերմանիայի Արտաքին կապերի ինստիտուտը (ifa), Երևանում Գյոթե կենտրոնի և «Մշակույթների երկխոսություն» կազմակերպության հետ համատեղ 2023 թ․-ի մայիսի 3-ից 28-ը Գեղագիտության ազգային կենտրոնի թանգարանում ներկայացնում են գերմանացի հանրաճանաչ գեղանկարիչ և փորագրանկարիչ Օտտո Դիքսի «Դատապարտող փորագրանկար» 1920-1924 լայնածավալ ցուցահանդեսը։ Մեծանուն նկարչի հայաստանյան ցուցահանդեսը խորհրդանշում է Գեղարվեստական տպագրության Չորրորդ միջազգային բիենալե, Երևան 2023-ի մեկնարկը։
Օտտո Դիքսը (1891-1969) գերմանական էքսպրեսիոնիզմի ամենավառ անհատականություններից և Neue Sachlichkeit նկարիչների խմբի ներկայացուցիչ է։
Օտտո Դիքս․ «Դատապարտող փորագրանկար» 1920-1924 լայկնածավալ ցուցահանդեսին ներկայացված են գեղարվեստական տպագրության 86 աշխատանք, որոնք արտացոլում են Առաջին համաշխարհային պատերազմի սարսափը։
Սոնա Հարությունյանը
Նախագծի ղեկավարն է Սոնա Հարությունյանը, համադրողը՝ Սոնա Հովհաննիսյանը։