🕒 Մեր ժամանակը․ ցուցահանդես

Ժամանակակից արվեստի ինստիտուտի «Ինչպես գոյատևել որպես սկսնակ արվեստագետ Հայաստանում» կրթական նախագծի ավարտի շրջանակում համադրող Նայիրի Խաչատուրեանը հրավիրել է կրթական նախագծի մասնակից հինգ արվեստագետների հանգրվանելու և ստեղծագործելու մայրաքաղաքի երբեմնի զարկերակը հանդիսացող Ժամացույցի գործարանում։

Մեկ ամիս շարունակ համադրողը հրավիրեց արվեստագետներին բախվել գործարանի պատմության հետ, որպես խորհրդային արդիականության և փլուզման մարմնացում, երկխոսել այսօր տարածքն ապրեցնող նոր «բնակիչների» հետ, «դաշտային աշխատանք» կատարել արխիվային նյութերի հետ` քննարկման առարկա դարձնելով ժամանակի տարբեր ընկալումներն ու պատկերացումները։

«Մեր ժամանակը» խորագիրը կրող հավաքական ցուցադրությունը ներկայացնում է ԺԱԻ-ի ուսանող արվեստագետների և համադրողի կողմից հրավիրված անկախ արվեստագետների տարբեր տեխնիկաներով արված աշխատանքներ։ Ցուցադրությունը տեղի է ունենում Ժամացույցի գործարանի 3-րդ հարկում գտնվող Visual Gap Galleryի նոր ցուցասրահում։ 

ԺԱԻ նախագծի արվեստագետներ` էլինա Գալոյան, Կիմա Գյարաքյան, Մարիամ Էներգետիկ, Մարգարիտա Ղազարյան, Անի Շահվերդյան։

Հրավիրված արվեստագետներ` Կարեն Խաչատուրով, Ելենա Համասյան, Մերի Մուն, Բահար Շողի։

Ցուցահանդեսը բաց կլինի մինչև հունվարի 28-ը ամեն օր՝ 16:00-ից-19:00-ը։

Արխիվային աշխատանքների թիմ՝ Փիրուզա Խալափյան, Դիանա Սարդարյան։ 

Ցուցադրության տեղադրում՝ Սասուն Մարգարյան, Մուշեղ Մուսայելյան։

Ծրագիրն իրականացվում է Շվեդական միջազգային զարգացման համագործակցության գործակալության (Sida) կողմից ֆինանսավորվող և Շվեդիայի Արվեստի դրամաշնորհների կոմիտեի կողմից իրականացվող ArtNexus ծրագրի օժանդակությամբ։