Իննա Սահակյանի և Ռուբեն Ղազարյանի «Վերապրել Շեքսպիրին» վավերագրական ֆիլմը ցուցադրվելու է Տրիեստեի միջազգային կինոփառատոնում։ Կինոքննադատ Սոնա Կարապողոսյանը դիտել է այն ամստերդամյան IDFA կինոփառատոնում, որտեղ երկու տարի առաջ թնդաց Շողակաթ Վարդանյանի «1489» վավերագրական ֆիլմը: ԵՐԵՎԱՆի խնդրանքով նա պատմել է, թե ինչպիսին է եղել Հայստանի ներկայությունն այնտեղ։
3.33 նախագծի համահիմնադիր Նարեկ Հովսեփյանը, նույն ինքը՝ A. Chilla-ն, պատմում է, թե ինչպես 1990-ականներին Լոսում ձայնագրեց իր առաջին ռեպ ալբոմը, հետո իրար գլխի հավաքեց տեղի բոլոր հայազգի ռեպ կատարողներին, ինչու հետագայում անցավ հայերեն տեքստերին և ինչ խնդիրներ ունի երևանյան հիփ-հոփ համայնքն այսօր։
Karmir Film Lab—ի թիմը հայտարարել է մրցույթ բավականին պարզ, բայց միաժամանակ բարդ թեմայով՝ ի՞նչ է ժամանակակիցը Հայաստանում կամ ինչպիսի՞ն է ժամանակակից Հայաստանը։ Չկա խիստ պահանջ մնալու միայն ռեպորտաժի շրջանակում, չկա սահմանափակում մնալու միայն անալոգ ձևաչափում, ընդունվում են ցանկացած ձևաչափով արված լուսանկարներ, նույնիսկ հեռախոսով նկարահանված։ Նախագծի մասին պատմում է Լաբի համահիմնադիր Ալեքսեյ Կոմոզան։
Հայաստանի կինոքննադատների ու կինոլրագրողների ասոցիացիան ամփոփում է տարին։ Ասոցիացիայի անդամները կազմել են 2025-ի իրենց ամենասիրելի ֆիլմերի հնգյակները։ Ծանոթացեք, գուցե տոներին մի փախած բան դիտելու ցանկություն առաջանա։
ԵՐԵՎԱՆ ամսագիրը առանձնացրել է 2025-ին լույս տեսած 11 գիրք՝ ահագնացող տոներին «բլինչիկ-չարազ-խոզի բուդ» փակ շղթան կոտրելու համար։
Դեկտեմբերի 19-ի կեսգիշերին Երևանի «Զվարթնոց» միջազգային օդանավակայանի ժամանումների սրահը վերածվել էր երաժշտությամբ և տոնական տրամադրությամբ ողողված միջավայրի: Կայացավ «Կերոն» զարգացման հիմնադրամի և «Զվարթնոց» միջազգային օդանավակայանի համատեղ կազմակերպած հատուկ միջոցառումը՝ «Մուտք Հայաստան»։
Ասում են նոր լյուքսը այլևս բրենդավորված շորերը և թանկարժեք պայուսակները չեն, կոնսյումերիզմի այս չար աշխարհում նոր շքեղությունը փորձառություններն են։ Նվեր, որը ոչ միայն կժպտացնի սիրելիին, այլ նաև կստիպի տնից և սեփական կոմֆորտ զոնայից դուրս գալ։ Նվերների մեծ սիրահար Բիայնա Մահարու հետազոտությունը՝ հատուկ ԵՐԵՎԱՆի համար (հիմնված բացառապես իր սեփական փորձի վրա)։
Բաղրամյան 6 հասցեում գեղատեսիլ առանձնատան տարածքում բացված Common Ground գրախանութ-սրճարանը հասցրել էր իր նկատելի տեղը զբաղեցնել երևանյան գրական-ժամանացային դաշտում, այնպես որ դրա փակվելու մասին լուրերը չէին կարող չանհանգստացնել։ Բայց փակվել է միայն հասցեն, իսկ Common Ground-ը շուտով վերաբացվելու է նոր վայրում։ ԵՐԵՎԱՆը խոսել է գրախանութի հիմնադիր Գրիգորի Կարելսկու հետ։
2020 թվականից Կառավարության որոշմամբ կառուցվում և բովանդակությամբ է լցվում «Ինժեներական քաղաք 2»-ը: Սա պետություն-մասնավոր գործընկերության հենքով ծրագիր է, որն իրականացվում է «Ձեռնարկությունների ինկուբատոր» հիմնադրամի կողմից, ՀՀ կառավարության՝ ի դեմս ՀՀ ԲՏԱ նախարարության գործուն աջակցությամբ, Համաշխարհային բանկի և մասնավոր հատվածի համագործակցությամբ: ԵՐԵՎԱՆը շրջել է քաղաքով՝ ՁԻՀ տնօրեն Բագրատ Ենգիբարյանի հետ։
Դեկտեմբերի 20-ին ու 21-ին Նիկոլաս Ջաարը առաջին անգամ Հայաստանում կկատարի իր «Pomegranates» ալբոմը, որ գրել է՝ ոգեշնչվելով Սերգեյ Փարաջանովի «Նռան գույնից»։ Ելույթներից առաջ երաժիշտը պատասխանել է ԵՐԵՎԱՆի հարցերին՝ ալբոմի ստեղծման, համերգի ու Փարաջանովի արվեստի հետ հարաբերությունների մասին։
Արդեն մի քանի օր է, ինչ հայոց համացանցը ցնցվում է Պարույր Սևակի նոր արձանի շուրջ ծավալվող աղմկոտ քննարկումներից։ Զանգակատուն համայնքի միջնակարգ դպրոցի բակում տեղադրված քանդակը, որ հեղինակել է փորձառու Լևոն Թոքմաջյանը (Սարյան, Կարաբալա, Ենգիբարով), նորից վեր հանեց անլուծելի հարցեր հանրային արվեստի գնահատականի ու վերահսկողության մասին։ Արվեստաբան Հասմիկ Բարխուդարյանը փորձում է հասկանալ, թե ինչպես եղավ, որ այսպես եղավ։
